चाकण वाहतूक विभागाच्या वरिष्ठ पोलिस निरीक्षकपदी वाघ

चाकण, ता. ५ : चाकण वाहतूक विभागाच्या वरिष्ठ पोलिस निरीक्षकपदी प्रमोद वाघ यांची नियुक्ती झाली. चाकणमधील वाहतूक कोंडीचा प्रश्न गंभीर असताना नव्या अधिकाऱ्याची नियुक्ती झाल्याने कोंडी सुरळीत होईल व वाहतूकीसंदर्भाचे प्रश्न सुटतील अशी आशा नागरिक, कामगार, उद्योजक यांना आहे. नियुक्तीनंतर वाघ यांनी सांगितले की,‘‘चाकणचा वाहतूक कोंडीचा प्रश्न गंभीर आहे. तो सर्वांना विश्वासात घेऊन तसेच सहकार्याने सोडविण्याचे प्रयत्न केले जातील.’’