चाकण, ता. १२ : ‘‘तळेगाव दाभाडे ते उरुळी कांचन असा रेल्वे मार्ग प्रस्तावित आहे. या मार्गाबाबत उपमुख्यमंत्री, जिल्ह्याचे पालकमंत्री अजित पवार यांनी हा मार्ग होणार असे सूचित केले होते. शासनाच्या पातळीवर डीपीआर बनविला जात आहे.’’ या डीपीआरला विरोध आहे, असे पुणे महानगर नियोजन समितीचे सदस्य वसंत भसे यांनी सांगितले.
उपमुख्यमंत्री अजित पवार यांनी तळेगाव दाभाडे ते उरुळीकांचन हा रेल्वे मार्ग होणार आहे असे वक्तव्य केल्यानंतर शासनाने या प्रस्तावित रेल्वे मार्गाबाबत डिपीआरला पुणे महानगर नियोजन समितीची अद्यापपर्यंत मान्यता घेण्यात आलेली नाही. त्यामुळे हा डिपीआर बेकायदेशीर ठरत आहे. ज्या गावातून रेल्वे मार्ग प्रस्तावित आहे ती गावे पीएमआरडीएच्या हद्दीत आहेत, असे भसे यांनी सांगितले.
रेल्वे मार्ग नेमका होणार कसा?
तळेगाव दाभाडे ते चाकण औद्योगिक वसाहत ते रांजणगाव मार्गे उरुळीकांचन असा मार्ग प्रस्तावित असल्याचे सांगितले जाते. खेड तालुक्यातील नेमक्या कोणत्या गावातून हा रेल्वे मार्ग जाणार हे अजूनही संभ्रमात आहे. अनेक वर्षे पुणे नाशिक सेमी हायस्पीड रेल्वेचे भिजत घोंगडे पडले आहे. त्याचाही डीपीआर अजून जाहीर केलेला नाही. संगमनेर, सिन्नर मार्गे नाशिक होणार की अहिल्यानगर मार्गे शिर्डी, नाशिक होणार अजूनही संभ्रमात आहे. त्यामुळे एक तरी रेल्वे मार्ग करा अशी मागणी नागरिक, प्रवासी, कामगार उद्योजक, व्यावसायिकांची आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.