चाकण नगरपरिषदेची अंतिम प्रभागरचना मंजूर

चाकण, ता. २९ : येथील नगरपरिषदेच्या प्रस्तावित सन २०२५-२०२६ मध्ये होणाऱ्या सार्वत्रिक निवडणुकीकरिता अंतिम प्रभाग रचनेस विभागीय आयुक्तांच्या आदेशानुसार मान्यता मिळाली आहे, अशी माहिती चाकण नगर परिषदेचे मुख्याधिकारी डॉ. अंकुश जाधव यांनी दिली.
चाकण नगरपरिषदेच्या अंतिम प्रभाग रचनेस शासन राजपत्रात प्रसिद्धी दिली आहे. चाकण नगरपरिषदेचे तेवीस प्रभाग आहेत. अंतिम प्रभाग रचना, अंतिम प्रभाग रचनेचा नकाशा व प्रभागांच्या चर्तु:सीमा नागरिकांच्या अवलोकनाकरीता चाकण नगरपरिषद कार्यालयात व नगरपरिषदेच्या संकेतस्थळावर प्रसिद्ध केलेल्या आहेत.