चाकणला नगरसेवकपदासाठी १६६ उमेदवारी अर्ज दाखल

चाकण, ता. १७ : येथील नगरपरिषदेच्या पंचवार्षिक निवडणुकीत २५ नगरसेवकपदासाठी सुमारे १६६ उमेदवारी अर्ज दाखल झाले, तर नगराध्यक्षपदासाठी सहा उमेदवारी अर्ज दाखल झाले. सोमवारी शेवटच्या दिवशी नगरसेवकपदासाठी ६८ उमेदवारी अर्ज दाखल झाले, तर नगराध्यक्षपदासाठी एक अर्ज दाखल झाला, अशी माहिती निवडणूक निर्णय अधिकारी स्वप्नील मोरे, सहाय्यक निवडणूक निर्णय अधिकारी नगरपरिषदेचे मुख्याधिकारी डॉ. अंकुश जाधव यांनी दिली.
उमेदवारी अर्ज दाखल करण्याची मुदत संपल्यानंतर नगरपरिषद कार्यालयाचे प्रवेशद्वार कुलूप लावून बंद केले होते. त्यामुळे काही कार्यकर्त्यांनी संताप व्यक्त केला.