चाकणला पोलिसांचे पथसंचलन
चाकण, ता. ३० : येथील नगरपरिषदेच्या निवडणुकीच्या पार्श्वभूमीवर शहरात कायदा सुव्यवस्था राहावी तसेच गैरप्रकार रोखण्यासाठी पोलिस दल सज्ज आहे यासाठी शहरातील विविध मार्गावरून पोलिसांचे पथसंचलन करण्यात आले, अशी माहिती चाकणचे वरिष्ठ पोलिस निरीक्षक संजय सोळंके यांनी दिली.
चाकण ता. खेड येथे पोलिसांचे पथसंचलन सहाय्यक पोलिस आयुक्त चाकण विभागाचे सचिन कदम, वरिष्ठ निरीक्षक संजय सोळंके यांच्या उपस्थितीत करण्यात आले. चाकण पोलिस ठाण्यापासून पथसंचलनाला सुरुवात झाली. त्यानंतर सुभाष चौक, बाजारपेठ, जामा मशीद, धाडगेआळी, गोल्डन चौक, खंडोबा मंदिर, खंडोबा माळ, महात्मा फुले नगर, अण्णाभाऊ साठे चौक, नेहरू चौक, महात्मा फुले चौक, नगरपरिषद चौक, चाकण पोलिस ठाणे असे पथसंचलन करण्यात आले. चाकण पोलिस ठाण्यात पथसंचलनाचा समारोप करण्यात आला. यावेळी चाकण, आळंदी, भोसरी एमआयडीसी, चिखली, महाळुंगे एमआयडीसी, दिघी अशा पोलिस ठाण्यातील मिळून एकूण १५ पोलिस अधिकारी व ८० पोलिस अंमलदार तसेच एक आरसीपी पथक यांचा सहभाग होता.
9790
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.