खेड तालुक्यातील ६५ गावांत कात्रजतर्फे जनावरांची तपासणी

चास, ता. ३१ : ‘‘उपमुख्यमंत्री अजित पवार यांनी गायीच्या दुधाला पाच रुपये अनुदान देवून शेतकरी दूध उत्पादकांना मदत केली आहे. त्यांच्या मार्गदर्शनाखाली पुणे जिल्हा दूध उत्पादक संघ जिल्ह्यात चांगले काम आहे,’’ असे प्रतिपादन जिल्हा दूध संघाचे संचालक व माजी कृषी व पशुसंवर्धन सभापती अरुण चांभारे यांनी व्यक्त केले.

चिखलगाव (ता. खेड) येथे आयोजित पशुवैद्यकीय शिबिरात चांभारे बोलत होते. उपमुख्यमंत्री अजित पवार यांच्या वाढदिवसानिमित्त कात्रज दूध संघाचे अध्यक्ष स्वप्नील ढमढेरे, उपाध्याक्ष तानाजी जगताप, चांभारे यांच्या मार्गदर्शनाखाली खेड तालुक्यातील ६५ गावांत जिल्हा दूध संघाच्या वतीने सहकारी दूध संस्थेतील सभासदांच्या जनावरांची मोफत तपासणी करण्यात आली. यावेळी शेतकऱ्यांना जंत व गोचीड यावरील औषधे वाटप करण्यात आली. वाडा, डेहणे, कोये, सातकरवाडी, राजगुरुनगर- खेड, चिखलगाव, पाईट-रौंधळवाडी, गडद या गावांमध्ये पशुवैद्यकीय शिबिरे घेण्यात आली. वाडा येथे ७२ गायी, डेहणे येथे ४४ गायी व २६ म्हशी, कोये येथे ६५ गायी व २९ म्हशी, सातकरवाडी येथे १३ गायी व १४३ म्हशी, राजगुरुनगर-खेड येथे १३५ गायी व १८ म्हशी, चिखलगाव येथे ७४ गायी व १४ म्हशी, गडद येथे ३५ गायी व १८९ म्हशी, तर रौंधळवाडी येथे ९४ गायी व ७६ म्हशींची तपासणी करून मोफत औषधे देण्यात आली. अवसरी शितकेंद्र येथे असणाऱ्या सेंद्रिय खत कारखान्यातील बायोगॅस तयार झाल्यावर बाहेर पडणाऱ्या स्लरीमधून तयार होणारी सेंद्रिय खते वितरित करण्यात आली.

शिबिरांसाठी पाईट शितकरण केंद्राचे प्रमुख लहू चौधरी, वाडा शीतकरण केंद्राचे उमेश कुंभार, डॉ. महेशकुमार जाधव, डॅा. संतोष ढोबळे, सुजाता शेटे, महेश हिंगे, वैभव. येहळे, प्रशांत गव्हाणे,माजी सरपंच बाळासाहेब गोपाळे, लक्ष्मण मुके आदी उपस्थित होते

03678