पाणंद रस्ता खुला झाल्याने शेतकऱ्यांकडून समाधान व्यक्त

चास, ता. ५ : बुरसेवाडी (ता. खेड) येथे शेतीमालाच्या वाहतुकीसह येण्याजाण्यासाठी शेतकऱ्यांच्या गरजेचा असणारा वाडारोड ते भोरझुरी हा पाणंद रस्ता खुला करण्यात आला. यामुळे सुमारे वीस ते पंचवीस शेतकऱ्यांची सोय झाली असून त्यांनी समाधान व्यक्त केले आहे.
महाराष्ट्र शासन महसूल व वनविभाग यांच्या महसूल सप्ताहसनिमित्ताने छत्रपती शिवाजी महाराज राजस्व अभियान अंतर्गत रविवारी (ता. ३) गावोगावी पाणंद रस्ते खुले करण्यात आले. खेडचे उपविभागीय अधिकारी अनिल दौंडे, तहसीलदार प्रशांत बेडसे व नायब तहसीलदार राम बीजे यांचे मार्गदर्शनाखाली खेड तालुक्याच्या पश्चिम पट्यातील बुरसेवाडी येथील वाडारोड ते भोरझुरी पाणंद रस्ता खुला करण्यात आला. या रस्त्याचे काम मंडळ अधिकारी शीतल शेवाळे, ग्राममहसूल अधिकारी रवींद्र केंगले, अमोल नेहूल, ललिता वाघमारे यांच्या उपस्थितीत करण्यात आले. यावेळी माजी सरपंच अरुण अण्णा गुंडाळ, उपसरपंच रवी बुरसे, सतीश जैद, दीपक कालेकर, सागर भोर, साईनाथ चंद्रावळे, अनंथा रोडे, संतोष भोर, रामदास चंद्रावळे, अक्षय गुंडाळ, शशिकांत इचके, अजित घुले आदी उपस्थित होते.

03684