चास येथे ध्वजवंदन

चास, ता. १६ : चास (ता. खेड) येथील रयत शिक्षण संस्थेच्या जवाहर विद्यालयात ग्रामपंचायत सदस्य आशा टोके, पुनम रासकर, मुख्याध्यापक किशोर जगताप यांच्या हस्ते ध्वजपूजन व शालेय व्यवस्थापनचे विठ्ठलराव मुळूक यांच्या हस्ते ध्वजवंदन पार पडले.
त्यानंतर क्रमाक्रमाने विविध कार्यकारी सोसायटीच्या प्रांगणात सोसायटीचे अध्यक्ष अशोक मुळूक, उपाध्यक्ष सुनील निर्मळ यांच्या हस्ते, प्राथमिक शाळेच्या प्रांगणात ग्रामपंचायत सदस्य व शालेय व्यवस्थापनाचे अध्यक्ष संदीप ढमढेरे, सविता टोके व सविता रहाणे यांच्या हस्ते, हुतात्मा विलास मुळूक स्मारकात वीरमाता सावित्राबाई मुळूक व निवृत्त पोलिस अधिकारी मुरलीधर मुळूक यांच्या हस्ते, ग्रामपंचायतीच्या प्रांगणात सरपंच विनायक मुळूक व उपसरपंच सुनील वाळुंज यांच्या हस्ते श्रीफळ वाढवून ध्वजवंदन करण्यात आले.
तसेच म्हातोबा ग्रामीण बिगरशेती सहकारी पतसंस्थेच्या प्रांगणात संस्थेचे संस्थापक गणपत मुळूक व सूर्यकांत चासकर यांच्या हस्ते तर शासकीय ध्वजवंदन पोलिस पाटील वंदना रासकर, तलाठी निसर्ग येवले यांच्या हस्ते पार पडले. प्रत्येक ठिकाणी ध्वजवंदन झाल्यावर एक अबला नारी प्रतिज्ञा घेण्यात आली, यामध्ये ग्रामस्थानींही सहभाग घेतला.