खेडमध्ये आजपासून आधार केंद्र राहणार बंद

चास, ता. ११ ः महा- ई सेवा, आधार केंद्र संघटना महाराष्ट्र राज्य यांनी आपल्या विविध मागण्यासाठी संपाचा इशारा दिला आहे. या पार्श्वभूमीवर खेड तालुका अखिल स्तरीय महा- ई सेवा व आधार केंद्र संघटना यांच्यामार्फत खेडचे तहसीलदार प्रशांत बेडसे यांना बुधवारी (ता. १२) ते शुक्रवारपर्यंत (ता. १४) महा- ई सेवा केंद्र बंद ठेवणार असल्याबाबतचे निवेदन दिल्याची माहिती खेड तालुका महा- ई सेवा व आधार केंद्र संघटनेचे अध्यक्ष अध्यक्ष संदीप मेदगे यांनी दिली आहे. यावेळी उपाध्यक्ष शुभांगी शिंदे, कार्याध्यक्ष अॅड. संतोष कौदरे, सचिव तेजस्विनी साठे, कोषाध्यक्ष प्रणव केदारी, सहसचिव स्वाती येवले, विधीतज्ञ अॅड. सत्यवान वाळुंज, सदस्य अजय कचरे, दिगंबर नाणेकर उपस्थित होते.