लग्न जमवायला आला
दुचाकी घेऊन पळाला!

लग्न जमवायला आला दुचाकी घेऊन पळाला!

दौंड, ता. ३ : दौंड शहरातील एका कुटुंबाची परिचिताकडूनच फसवणूक झाली आहे. लग्न जमविण्यास पुढाकार घेत घरात आलेल्या या परिचिताने एक दुचाकी वाहन आणि मोबाईल संच घेऊन पोबारा केला.
याबाबत दौंड पोलिस ठाण्याचे निरीक्षक संतोष डोके यांनी माहिती दिली की, लखन झगडे (रा. पिंपरी, पुणे, पूर्ण नाव व पत्ता उपलब्ध नाही) असे त्या परिचिताचे नाव आहे. दौंड शहरातील नरेंद्र दामोदर निकाळजे (रा. राज अपार्टमेंट, संस्कार नगरी, दौंड) यांचे लखन झगडे याच्याशी अल्प परिचय होता. १ जुलै रोजी दुपारी दीड वाजता लखन झगडे याने नरेंद्र झगडे यांच्या सदनिकेत जाऊन त्यांच्या मुलास पाहण्यासाठी एक कुटुंब येणार असल्याचे सांगितले. लखन झगडे याने स्वतःचा मोबाईल संच बंद असल्याचे कारण सांगत नरेंद्र निकाळजे यांचा मोबाईल संच मागून घेतला. त्यानंतर निकाळजे यांच्या विवाहेच्छू मुलाला पाहण्यासाठी आलेले कुटुंब एचडीएफसी बॅंकेच्या दौंड शाखेसमोर आल्याचे सांगत त्यांना सदनिकेचा रस्ता दाखविण्यासाठी लखन झगडे याने त्यांची दुचाकी मागितली. निकाळजे यांनी त्यांची होंडा कंपनीची काळा रंग असलेली शाइन मॅाडेल दुचाकी (क्र. एम.एच. १२ व्ही.डी. २४९९) दिल्यानंतर लखन हा त्यांच्या मोबाईल संचासह निघून गेला.
दरम्यान, बरीच वेळ वाट पाहिल्यानंतर लखन झगडे न परतल्याने नरेंद्र निकाळजे यांना त्यांची फसवणूक झाल्याचे लक्षात आले. दौंड पोलिस ठाण्यात या प्रकरणी नरेंद्र निकाळजे यांनी दिलेल्या फिर्यादीनुसार लखन झगडे याच्याविरुद्ध फसवणुकीचा गुन्हा दाखल केला आहे.
-----

ब्रेक घ्या, डोकं चालवा, कोडे सोडवा!

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Marathi News Esakal
www.esakal.com