दौंड बाजारात बाजरीच्या भावात वाढ

दौंड, ता. २६ : दौंड तालुक्यात बाजरीची आवक घटली असून, बाजारभावात प्रतवारीनुसार प्रतिक्विंटल तीनशे रुपयांची वाढ झाली आहे. बाजरीची एकूण २०६ क्विंटल आवक असून त्यास प्रतवारीनुसार किमान २२०० तर कमाल ३३०० प्रतिक्विंटल असा बाजारभाव मिळाला.

दौंड तालुका कृषी उत्पन्न बाजार समितीच्या दौंड मुख्य बाजारात भुसार मालाची आवक घटली असून बाजारभाव तेजीत आहेत. केडगाव, पाटस व यवत येथील उपबाजारांमध्ये भुसार मालाची आवक कमी झाली असून बाजारभाव स्थिर आहे. दौंड मुख्य बाजारात भाजीपाल्याची आवक स्थिर असून बाजारभावात तेजी आहे. केडगाल उपबाजारात चवळीची दहा क्विंटल आवक होऊन किमान ८००० तर कमाल १०५०० रुपये प्रतिक्विंटल असा बाजारभाव मिळाला आहे. केडगाव येथे कांद्याची आवक घटली असून एकूण ६४०२ क्विंटल आवक होऊन कांद्यास प्रतवारीनुसार किमान ३०० तर कमाल २१०० रुपये प्रतिक्विंटल असा बाजारभाव मिळाला.

दौंड मुख्य बाजारात कोथिंबिरीची १४९३० जुडी आवक होऊन त्यास शेकडा किमान ०३०० तर कमाल १००० रुपये जुडी असा बाजारभाव मिळाला. मेथीची १०६० जुडी आवक होऊन त्यास शेकडा किमान १००० तर कमाल २१०० रुपये जुडी असा बाजारभाव मिळाला. शेपुची १४८० जुडी आवक होऊन त्यास शेकडा किमान १००० तर कमाल २२०० रुपये असा बाजारभाव मिळाला.

शेतमालाची आवक व बाजारभाव :
* शेतमाल आवक (क्विंटल) किमान (रु.) कमाल (रु.)
गहू ४२२ २३०० ३०५०
ज्वारी ०७५ २२०० ३५००
बाजरी २०६ २२०० ३३००
हरभरा ०१८ ४३०० ५३८०
मका ०६३ १८०० २२३०
मूग ००३ ५८०० ६२००
तूर ०२१ ५५०० ६२००

दौंड मुख्य बाजारात भाजीपाला व फळांना मिळालेला बाजारभाव पुढीलप्रमाणे (प्रति दहा किलोसाठीचे कमाल दर) : बटाटा-२००, आले-३००, गाजर-२५०, पेरू-२००, काकडी-३२०, भोपळा-२००, कोबी-२००, फ्लॅावर- ३००, टोमॅटो-२५०, हिरवी मिरची - २५०, भेंडी - ६५०, कार्ली -७००, दोडका - ९५०, डाळिंब - ६०, मका कणीस - २०.

भाजीपाल्याची तेजीत
दौंड मुख्य बाजारात भाजीपाल्याची आवक स्थिर असून बाजारभावात तेजी आहे. टोमॅटोची १७८ क्विंटल आवक होऊन त्यास प्रतिदहा किलोसाठी किमान ५० तर कमाल २५० रुपये, असा दर मिळाला.