दौंडला गव्हाची ४५७ क्विंटल आवक

दौंड, ता. १० : दौंड तालुक्यात गव्हाची वाढली असून, बाजारभावात प्रतवारीनुसार प्रतिक्विंटल पन्नास रुपयांची घट झाली आहे. गव्हाची एकूण ४५७ क्विंटल आवक असून त्यास प्रतवारीनुसार किमान २३०० तर कमाल ३००० प्रतिक्विंटल असा बाजारभाव मिळाला.
दौंड तालुका कृषी उत्पन्न बाजार समितीच्या दौंड मुख्य बाजारासह केडगाव, पाटस व यवत येथील उपबाजारांमध्ये भुसार मालाची आवक व बाजारभाव स्थिर आहे. दौंड मुख्य बाजारात पालेभाजांची आवक व बाजारभाव स्थिर आहे. दौंड मुख्य बाजारात मेथीची ७८६० जुडी आवक होऊन त्यास शेकडा किमान ०५०० तर कमाल २००० रुपये जुडी असा बाजारभाव मिळाला.
दौंड मुख्य बाजारात भाजीपाला व फळांना मिळालेला बाजारभाव पुढीलप्रमाणे ( प्रतिदहा किलोसाठीचे कमाल दर ) : बटाटा-२००, आले-३००, गाजर-३००, पेरू-३००, काकडी-३००, भोपळा-२००, कोबी-२५०, फ्लॅावर-३५०, टोमॅटो-३२५, हिरवी मिरची-४००, भेंडी-७५०, कार्ली-६५०, बिट-३००, डाळिंब - ६००, लिंबू-२५०.

कोथिंबिर व शेपूच्या दरात वाढ
दौंड मुख्य बाजारात कोथिंबिरीची १८५३० जुडी आवक होऊन त्यास शेकडा किमान २०० तर कमाल १००० रुपये जुडी असा बाजारभाव मिळाला. मागील आठवड्यात कोथिंबिरीची २२३४० जुडी आवक होऊन त्यास शेकडा किमान २०० तर कमाल ६०० रुपये जुडी, असा बाजारभाव मिळाला होता.
शेपुची ४२५० जुडी आवक होऊन त्यास शेकडा किमान ४०० तर कमाल २००० रुपये असा बाजारभाव मिळाला.
कांद्याच्या दरात घट केडगाव येथे कांद्याची आवक वाढली असून एकूण ५५३८ क्विंटल आवक होऊन कांद्यास प्रतवारीनुसार किमान ३०० तर कमाल २१०० प्रतिक्विंटल, असा बाजारभाव मिळाला.