दौंड बाजारतळावरून दुचाकी वाहनाची चोरी

दौंड, ता. ११ : दौंड शहरातील बाजारतळ परिसरातून एक दुचाकी वाहन चोरीस गेले आहे. आठवडे बाजाराच्या दिवशी ही चोरी झाली.
दौंड पोलिसांनी या बाबत माहिती दिली. महाराष्ट्र राज्य विद्युत पारेषण कंपनी लिमिटेडमध्ये नोकरी करणारे शिरीष सूर्यकांत कांबळे ( रा. दौंड) हे रविवारी ( ता. ७) पत्नी व मुलीसमवेत बाजारासाठी बाजारतळावर आले होते. त्यांनी त्यांची हिरो कंपनीची एचएफ डिलक्स मॅाडेल काळ्या रंगाची दुचाकी बाजारतळाशेजारील श्री मारुती मंदिराजवळ उभी केली होती व परतल्यावर त्यांना त्यांची दुचाकी चोरीस गेल्याचे आढळून आले.