चेक बाऊन्सप्रकरणात एकाची निर्दोष मुक्तता

घोडेगाव, ता. ४ : घोडेगाव न्यायालयाने दिलेल्या महत्त्वाच्या निर्णयात अविनाश मारुती पवार यांना चेकबाऊन्स प्रकरणातून निर्दोष मुक्त करण्यात आली आहे. फिर्यादी राजकुमार साळवे यांनी ११ लाख रुपये कर्ज दिल्याचा दावा करत पवार यांच्याविरोधात तक्रार दाखल केली होती. मात्र, न्यायालयाने निरीक्षण नोंदवले की फिर्यादीकडे एवढ्या रकमेची क्षमता होती याचा ठोस पुरावा नाही. तीन धनादेशांच्या तारखांमध्येही विसंगती असल्याचे नमूद करण्यात आले. त्यामुळे न्यायिक दंडाधिकारी प्रथम श्रेणी अविनाश पाटील यांनी अविनाश मारुती पवार यांना कलम १३८, एन. आय. अॅक्ट अंतर्गत निर्दोष मुक्तता दिली. यापुढे अशाप्रकारे धनादेशाद्वारे फसवणूक करून खोटे गुन्हे दाखल करून जर कोणी न्यायालयाची दिशाभूल करत असेल तर त्यासाठी हा निकाल मार्गदर्शक समजला जात आहे. यामध्ये वकील गौरव सांडभोर यांनी काम पाहिले.