नारोडीच्या ओमकारची लोको पायलटपदी निवड

घोडेगाव, ता. ८ ः नारोडी (ता. आंबेगाव) येथील ओमकार पिंगळे याची भारतीय रेल्वेमध्ये लोको पायलटपदी निवड झाली. भारतीय रेल्वेसाठी २०२२ साली झालेल्या परीक्षेत ओमकारने यश मिळवले आहे. त्याच्या या उल्लेखनीय यशाबद्दल गणेश तरुण मंडळ, पिंगळेपट्टी व निवेदक सिद्धेश पिंगळे यांच्या उपस्थितीत सत्कार करण्यात आला. या प्रसंगी ग्रामस्थांनी ओमकार याचे अभिनंदन करून पुढील वाटचालीस शुभेच्छा दिल्या. नारोडी येथील श्री मुक्तादेवी विद्यालय व कुरण येथील जयहिंद इंजिनिअरिंग कॉलेजच्या यांत्रिक विभागाचा विद्यार्थी असलेल्या ओमकारने कठोर परिश्रमातून हे यश संपादन केले. नियुक्तीपूर्वी तो योद्धा करीअर अकादमी व अंकुर करीअर अकादमी येथे शिक्षक म्हणून कार्यरत होता.