सहकार भारतीची नीरा येथे बैठक

गुळुंचे, ता. २० : पुरंदर तालुका सहकार भारतीच्या कार्यकारिणीच्या बैठकीचे शुक्रवार (ता. १९) नीरा (ता. पुरंदर) येथील दत्त दिगंबर पतसंस्थेच्या कार्यालयात आयोजन केले होते. सहकार भारतीचे पुणे जिल्हा संघटन प्रमुख नितीन कुलकर्णी यांच्या अध्यक्षतेखाली सदर बैठक झाली. यावेळी पुणे जिल्हा बँकेचे विकास अधिकारी जयेश गद्रे, तसेच सहकार क्षेत्रात कार्यरत असलेले राहुल घारे व सुभाष कुतवळ या तीन जणांची कार्यकारिणी सदस्यपदी नव्याने निवड केली. यावेळी सहकार भारतीचे विभागप्रमुख गिरीश भवळकर, महामंत्री उत्तम फाळके, सहकार भारती पुरंदर तालुकाप्रमुख रवींद्र देशपांडे, महिला प्रमुख सायली मेहता, संघटन सचिव गजानन मांडके उपस्थित होते.