काळेवाडीत महसूल तक्रारींच्या निराकरणासाठी उपक्रम

गराडे, ता. ५ : छत्रपती शिवाजी महाराज महाराजस्व समाधान शिबिर हा लोकाभिमुख उपक्रम शासनाकडून सुरू केला आहे. हे अभियान नागरिकांच्या महसूल संबंधित तक्रारी व तक्रारींचे निराकरण करण्यासाठी राबवले जात आहे. काळेवाडी येथे शिबिराचे आयोजन केले होते. या शिबिराचे उद्‍घाटन आमदार विजय शिवतारे यांच्या हस्ते करण्यात आले.
यावेळी उपविभागीय अधिकारी वर्षा लांडगे, तहसीलदार विक्रमसिंह राजपूत, गटविकास अधिकारी प्रणोती श्रीश्रीमाळ, तालुका कृषी अधिकारी श्रीधर चव्हाण, निवासी नायब तहसीलदार संदीप पाटील, महसूल नायब तहसीलदार सोनाली वाघ, नायब तहसीलदार महादेव जाधव, निवडणूक नायब तहसीलदार शुभांगी गोंजारी, मंडलाधिकारी सुहास कांबळे, ग्राममहसूल अधिकारी रोहन यादव, गणेश सुतार, हरिश्‍चंद्र फरांदे, कल्पेश कठारे, बाबा भागवत, दत्तात्रेय जगदाळे आदी उपस्थित होते.
या अभियानाच्या माध्यमातून महसूल विभागाशी निगडित प्रश्‍न निकाली काढून यात शेतकरी बांधवांसाठी ७/१२ उतारा दुरुस्ती, फेरफार नोंदी, वारस नोंद, जाती, उत्पन्न, रहिवासी दाखले, जुने दस्त नोंदवही व पडताळणी, मालमत्ता नोंदणी, जमिनीचे वर्गीकरण व मोजणी यासह विविध योजनांचे लाभ, दाखले नागरिकांना समाधान शिबिराच्या माध्यमातून प्रातिनिधिक स्वरूपात प्रदान केले.
संजय गांधी योजना प्रमाणपत्र : १८, अन्न सुरक्षा योजना शिधा पत्रिका : ६, राज्य कृषी याचिकेवर अंतर्गत ट्रॅक्टर वितरण : १, स्व.गोपीनाथ मुंडे अपघात विमा योजना : ४, आयुष्यमान कार्ड : २५, कर्ज मंजुरी पत्र : १, जातीचे दाखले : ३, उत्पन्न दाखले : १३, आरोग्य विभाग : ५७, कृषी विभाग ७२, पुरवठा विभाग ४१, आधार कार्ड : १३ असा एकूण २५४ लाभार्थ्यांना लाभ देण्यात आला.
शिवव्याख्याते प्रा. सतीश कुमदाळे यांनी सूत्रसंचालन केले. यावेळी पुणे जिल्हा राष्ट्रवादी युवक अध्यक्ष अमित झेंडे माजी सरपंच योगेश काळे, सरपंच रूपेश राऊत, शब्बीर सय्यद आदी उपस्थित होते.