वानवडी येथे होणार संभाजी महाराज संमेलन

सासवड शहर, ता. ९ : अखिल भारतीय मराठी साहित्य परिषदेच्या वतीने १७वे छत्रपती संभाजी महाराज मराठी साहित्य संमेलन रविवारी ५ ऑक्टोबर रोजी महात्मा फुले सांस्कृतिक भवन वानवडी, पुणे येथे होणार असल्याची माहिती अखिल भारतीय मराठी साहित्य परिषदेचे राष्ट्रीय अध्यक्ष डॉ. शरद गोरे यांनी दिली आहे ग्रंथपूजनाने या संमेलनाची सुरवात होणार असून, त्यानंतर उद्‍घाटन समारंभ, पुरस्कार वितरण, परिसंवाद कविसंमेलन असे संमेलनाचे स्वरूप असणार आहे. सोळा भाषांमध्ये पारंगत असलेले बुधभूषण, नायिकाभेद, सातशतक, नखशिख, ग्रंथाचे लेखन करून मानवी मूल्यांपासून राजनीती, समाजशास्त्र, अर्थशास्त्र, नैतिकशास्त्र, धर्मशास्त्र, विधीशास्त्र, न्यायशास्त्र, वनस्पतिशास्त्र यासह अनेक विषयांत निष्णात असलेले जागतिक कीर्तीचे विचारवंत छत्रपती संभाजी महाराज यांच्या साहित्यिक पैलूंचा व त्यांच्या इतिहासाचा प्रचार व प्रसार व्हावा, म्हणून या साहित्य संमेलनाचे आयोजन दरवर्षी राज्यभरात विविध ठिकाणी केले जाते.