सिंगापूरच्या उपसरपंचपदी विक्रांत पवार

गराडे, ता. १५ : सिंगापूर (ता. पुरंदर) येथील ग्रामपंचायतीच्या उपसरपंचपदी विक्रांत पवार यांची बिनविरोध निवड झाली. उपसरपंच विशाल लवांडे यांनी राजीनामा दिल्याने रिक्त जागेसाठी निवडणूक घेण्यात आली. सरपंच अर्चना लवांडे यांच्या अध्यक्षतेखाली ही निवडणूक पार पडली. निवडणूक निर्णय अधिकारी तथा ग्रामविकास अधिकारी नीलम धाऊत्रे यांनी पवार यांची निवड जाहीर केली. यावेळी ग्रामपंचायत सदस्य सौरभ लवांडे, संगीता वारे, चांगुणा वाघमारे, माजी सरपंच दशरथ लवांडे, जयश्री वारे, रामकृष्ण वारे, संदिप लवांडे, सोपान पवार, हनुमंत वारे, सरस्वती वाघमारे आदी उपस्थित होते. निवडीनंतर आमदार विजय शिवतारे यांनी पुष्पगुच्छ देऊन पवार यांचे अभिनंदन केले. यावेळी शिवसेना शिंदे गटाचे जिल्हा प्रमुख दिलीप यादव, उपजिल्हाप्रमुख उमेश गायकवाड, राजेंद्र झेंडे, सागर कुदळे आदी उपस्थित होते.