बोपदेव घाटात तरुणांवर हल्ला
गराडे, ता. ११ : पुरंदर आणि हवेली तालुक्याच्या सीमेवर असलेल्या बोपदेव घाटाच्या दुसऱ्या वळणावर बुधवारी (ता. १०) रात्री बिबट्याने भिवरी (ता. पुरंदर) येथील गणेश लक्ष्मण कटके व दत्तात्रेय लक्ष्मण कटके यांच्यावर हल्ला केला. यामध्ये गणेश कटके याच्या खांद्याला दुखापत झाली आहे.
याबाबत उद्योजक अक्षय बाळकृष्ण गायकवाड यांनी सांगितले की, गणेश कटके व दत्तात्रेय कटके हे दोघे बंधू पुणे शहरातील आपले काम उरकून बुधवारी रात्री साडेदहाच्या सुमारास बोपदेव घाटातून घरी जात होते. यावेळी झुडपात लपलेल्या बिबट्याने त्यांच्या दुचाकीवर झडप मारली. गाडी पडल्यामुळे गणेश कटके यांच्या खांद्याला मोठे दुखापत झाली आहे. त्यांच्या मागून पारगाव येथील रहिवासी भाजप नेते गणेश मेमाणे यांची मोटार येत असल्यामुळे बिबट्या पळून गेला त्यामुळे पुढील अनर्थ टाळला. गणेश कटके यांच्या खांद्यावर पुणे येथील रुग्णालयामध्ये उपचार सुरू आहेत.
वनविभागाने पिंजरा लावून बिबट्याचा ताबडतोब बंदोबस्त करावा, अशा मागणीचे वनविभागाला लेखी पत्र
भिवरीच्या सरपंच मोनाली कटके व उपसरपंच मारुती कटके यांनी दिले आहे.
बिबट्याच्या पुढील वावर पाहून पिंजरा लावण्याबाबत निर्णय घेणार असल्याचे पुरंदर तालुका वनपरिक्षेत्र अधिकारी सागर ढोले यांनी सांगितले.
2238
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.