सासवडला शिबिरात २०० जणांची तपासणी

सासवड शहर, ता. १७ : सासवड (ता. पुरंदर) येथील श्री स्वामी समर्थ हॉस्पिटल, मेडिकल व लॅबोरेटरी येथे सर्व रोग निदान शिबिराचे आयोजन केले होते. श्री क्षेत्र नारायणपूर येथील पोपट टेंबे स्वामी महाराज यांच्या हस्ते फित कापून उद्‍घाटन करण्यात आले. यावेळी डॉ. सागर धायगुडे, ज्योती धायगुडे, माजी नगराध्यक्षा आनंदीकाकी जगताप, नारायणपूर मंदिराचे व्यवस्थापक भरत क्षीरसागर, बाळासाहेब भिंताडे, संदीप राऊत, विजय वढणे, नाना कुंभारकर, धैर्यशील शिंदे, अभिजित जगताप, सुनील धिवार आदी उपस्थित होते. डॉ. सागर धायगुडे यांनी प्रास्ताविक केले. हेमलता खेडेकर यांनी आभार मानले.