युवकांनी समाज उपक्रमांत सहभाग घ्यावा : गारटकर

युवकांनी समाज उपक्रमांत सहभाग घ्यावा : गारटकर

Published on

इंदापूर, ता. १६ : युवकांची देशाप्रती आत्मीयता वाढावी, त्यांना स्वातंत्र्याचे महत्त्व कळावे, यासाठी मशाल मिरवणूक काढली जाते. अशा सामाजिक उपक्रमांची व्याप्ती वाढवण्यासाठी युवकांनी मोठ्या संख्येने सहभागी होत उपक्रमाची जबाबदारी आपल्या खांद्यावर घ्यावी, असे आवाहन राष्ट्रवादी काँग्रेसचे जिल्हाध्यक्ष प्रदीप गारटकर यांनी केले.

इंदापूर येथे स्वातंत्र्य दिनाच्या पूर्वसंध्येला प्रदीप गारटकर मित्र परिवाराच्या संकल्पनेतून भव्य मशाल मिरवणूक काढण्यात आली. गेली ४० वर्षे हा उपक्रम राबविण्यात येत असून, यावेळी शहरातील विविध भागांतून परंपरेनुसार हातात शेकडो मशाली घेवून ‘भारत माता की जय’च्या घोषणा देत मशाल मिरवणूक काढण्यात आली.
या मशाल मिरवणुकीचा आरंभ शहरातील जुन्या तहसील कचेरी येथील धर्मवीर संभाजी चौकातून करण्यात आला. त्यानंतर नेहरू चौक, मुख्य बाजारपेठ मार्गे नगरपालिकेच्या प्रांगणात या मशाल मिरवणुकीचा समारोप करण्यात आला. यावेळी पांडुरंग शिंदे, प्रा. कृष्णा ताटे, संदीपान कडवळे, विठ्ठल ननवरे, शिवाजीराव मखरे, अनिल पवार आदींसह शहरातील युवक मोठ्या संख्येने उपस्थित होते.

सकाळ+ चे सदस्य व्हा

ब्रेक घ्या, डोकं चालवा, कोडे सोडवा!

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Marathi News Esakal
www.esakal.com