उजनी धरणातून सव्वा लाख क्यूसेकचा विसर्ग

इंदापूर, ता.२९ : गेल्या चार दिवसांपासून पडत असलेल्या मुसळधार पावसामुळे उजनी धरणातून भीमा नदी पात्रात सोमवारी (ता.२९) १ लाख २५ हजारांहून अधिक क्यूसेकचा विसर्ग सोडण्यात आला. यामुळे भीमा नदीला पूरस्थिती निर्माण झाली झाली. त्यामुळे प्रशासनाने नदी काठच्या गावांना सतर्कतेचा इशारा दिली आहे.
धरणात सोमवारी सायंकाळी सहा वाजता १०० टक्के पेक्षा जास्त पाणी साठा झाला आहे. धरणाच्या पाणी पातळीत सातत्याने वाढ होत आहे. यामध्ये दौंड येथील सरीता मापन केंद्रातून ठिकाणावरून सद्य ८४ हजार ८०२ क्यूसेक वेगाने पाण्याची आवक सुरू आहे. यामुळे धरणाच्या सांडव्यावरून भीमा नदीमध्ये पूर नियंत्रणासाठी टप्प्या टप्प्याने वाढ करत १ लाख २५ हजार करण्यात आला. विद्युत गृह १६०० क्यूसेक असा एकूण एक लाख २६ हजार ६०० क्यूसेक्स विसर्ग भीमा नदीमध्ये सोडण्यात येत आहे.

उजनी धरणातून भीमा नदी पात्रात पूर नियंत्रणासाठी सुरू असलेला विसर्ग वाढविला आहे. यामध्ये आवश्यकतेनुसार वाढ होण्याची शक्यता आहे. यामुळे नदीपात्रात कोणीही उतरू नये आणि नदीपात्रात तत्सम साहित्य अथवा जनावरे असल्यास तत्काळ हलविण्यात यावेत तसेच योग्य ती खबरदारी व दक्षता घ्यावी.
- एस.यू. डुंबरे, कार्यकारी अभियंता,उजनी धरण व्यवस्थापन विभाग,भीमानगर, सोलापूर.
06383