बावडा येथे घरफोडी

इंदापूर, ता. १९ : बावडा (ता. इंदापूर) येथे चोरट्याने घरफोडी करून सुमारे २ लाख ४० हजार रुपयांचा ऐवज लंपास केला. याप्रकरणी इंदापूर पोलिस ठाण्यात अज्ञात चोरट्याविरोधात गुन्हा दाखल करण्यात आला आहे.
याबाबत गणेश बाळासाहेब कोकाटे (रा. बावडा) यांनी दिलेल्या फिर्यादीनुसार, बुधवारी (ता. १७) रात्री चोरट्याने बावडा येथील फिर्यादीच्या घरामध्ये किचनचा कोयंडा तोडून प्रवेश केला. त्यानंतर बेडरूममधील लोखंडी कपाटातील लॉकरमध्ये ठेवलेले ८० हजार रुपये किमतीचे दोन तोळे वजनाचे सोन्याचे मिनीगंठन, प्रत्येकी ५० हजार रुपये किमतीचे सव्वा तोळे वजनाचा सोन्याचा मिनीगंठण, कानातील सोन्याची दोन कर्णफुले व एक झुब्बा, असे सव्वा तोळे वजनाचे दागिने यासह ६० हजार रुपये रोख रक्कम, असा एकूण २ लाख ४० हजार रुपयांचा मुद्देमाल चोरून नेला. यावरून गुन्हा दाखल केला आहे. या प्रकाराचा पुढील तपास सहायक फौजदार प्रकाश माने करीत आहेत.