इंदापुरात आज बैठक

इंदापूर, ता. १४ : जिल्हा परिषद व पंचायत समिती निवडणुकीच्या पार्श्वभूमीवर इंदापूर तालुक्यात निवडणूक आचारसंहितेच्या प्रभावी अंमलबजावणीसाठी राजकीय पक्षांच्या प्रतिनिधींची मार्गदर्शन बैठक गुरुवारी (ता. १५) दुपारी ३ वाजता प्रशासकीय भवन येथे आयोजित केली आहे.
याबाबत निवडणूक निर्णय अधिकारी तथा जिल्हा पुरवठा अधिकारी महेश सुधळकर व सहायक निवडणूक निर्णय अधिकारी तथा तहसीलदार जीवन बनसोडे यांनी माहिती दिली की, इंदापूर तालुका हा पुणे जिल्ह्यातील सर्व जिल्हा परिषद गट व पंचायत समिती गणांचा समावेश असलेला महत्त्वाचा तालुका असल्याने येथे निवडणूक प्रक्रियेबाबत विशेष दक्षता घेण्यात येत आहे. त्याच अनुषंगाने निवडणूक आदर्श आचारसंहिता लागू झाल्यानंतर सर्वच राजकीय पक्ष, पदाधिकारी व कार्यकर्त्यांनी पाळावयाच्या नियमांची सविस्तर माहिती देण्यासाठी बैठक आयोजित केली आहे.