पांडेश्वरच्या विद्यालयात जलसंवर्धनावर उपक्रम

जेजुरी, ता. १३ : पांडेश्वर (ता. पुरंदर) येथील यशवंत विद्यालय मावडी कडेपठार भाग शाळेत गुरुवार (ता. ११) व शुक्रवारी (ता. १२) विज्ञान प्रदर्शन, रांगोळी स्पर्धा, चित्रकला स्पर्धा झाल्या. यावेळी शाश्वत शेती, कचरा, व्यवस्थापन आणि प्लॅस्टिकला पर्याय, आरोग्य आणि स्वच्छता, जलसंवर्धन आदी विषयांवर आधारित उपक्रम विद्यार्थ्यांनी प्रदर्शनात मांडले.
पुणे जिल्हा शिक्षण मंडळाच्या वतीने वार्षिक शालेय उपक्रमांतर्गत स्पर्धांचे आयोजन करण्यात आले होते. ज्येष्ठ नेते शरद पवार यांच्या वाढदिवसानिमित्त राष्ट्रवादी काँग्रेस पक्षाचे तालुकाध्यक्ष माणिकराव झेंडे यांच्या वतीने विद्यार्थ्यांना खाऊ वाटप करण्यात आले. याप्रसंगी सरपंच सविताताई नाळे, माजी सरपंच किशोर लवांडे, सोसायटीचे अध्यक्ष संजय जगताप, मुगुट शेंडगे, बंडू नाळे, मधुकर नाळे आदी उपस्थित होते.
मुख्याध्यापिका मीना वाबळे यांच्या मार्गदर्शनाखाली भागशाळेचे प्रमुख रणजित खारतोडे, ज्ञानदेव खेडेकर, सोपान गायकवाड मोहिनी कापरे, शोभा भोसले, कोमल थिकोळे, पल्लवी चांदगुडे यांनी कार्यक्रमाचे आयोजन, खारतोडे यांनी प्रास्ताविक, तर सोपान गायकवाड यांनी सूत्रसंचालन केले. मोहिनी कापरे यांनी आभार मानले.