शिवनेरीसह गडकोटावर ध्वजाला मानवंदना

जुन्नर, ता. १६ : जुन्नरला महसूल व वनविभागाच्या वतीने शिवनेरीसह हडसर, जीवधन व चावंड किल्ल्यावर ध्वजवंदन करण्यात आले.
महसूल विभागाच्या वतीने किल्ले शिवनेरी येथे मंडलाधिकारी मलाप्पा ढाणे यांच्या उपस्थितीत ध्वजवंदन करण्यात आले.
यावेळी पोलिस हवलदार सागर हिले, कचरे, डगळे व गावडे यांच्या पथकाने ध्वजाला मानवंदना दिली. याप्रसंगी ग्राममहसूल अधिकारी संदेश भालचिम, महसूल सेवक शाम वाव्हळ, मराठा सेवा संघांचे शहर अध्यक्ष ॲड. सिद्धेश ढोले, वीर भगत सिंग विद्यार्थी परिषदचे अध्यक्ष मार्मिक नानावटी व जयसिंग महाबरे आदी उपस्थित होते
वनविभागाचे वतीने हडसर गडावर वनरक्षक एकनाथ बांगर व ग्रामस्थ अजय आंबेकर, जीवधन किल्ल्यावर वनरक्षक राजेंद्र गायकवाड व वनमजूर मारुती साबळे, चावंड येथे वनरक्षक दत्तात्रेय निर्मल व ग्रामस्थ सचिन उतळे यांच्या उपस्थितीत ध्वजवंदन झाले, अशी माहिती वनक्षेत्रपाल प्रदीप चव्हाण यांनी दिली.