शिक्षक पतसंस्थेच्या सभापतीपदी सचिन मुळे

जुन्नर, ता. २६ : जुन्नर तालुका प्राथमिक शिक्षक पतसंस्थेच्या सभापतीपदी सचिन मुळे, उपसभापतीपदी सविता कुऱ्हाडे यांची निवड करण्यात आली आहे.
संस्थेच्या मुख्य कार्यालयात झालेल्या सभेत ही निवड करण्यात आली. यावेळी निवडण्यात आलेले अन्य पदाधिकारी - जितेंद्र मोरे-मानद सचिव, सुभाष दाते-खजिनदार, उमेश शिंदे-सरचिटणीस, दत्तात्रेय हांडे-सहचिटणीस, विठ्ठल घोडे व जयसिंग मोजाड - लोकल ऑडिटर यांची सर्वानुमते निवड करण्यात आली.
संस्था गेल्या १०२ वर्षांपासून तालुक्यातील प्राथमिक शिक्षकांच्या आर्थिक गरजा पूर्ण करण्याचे काम करत आहे. जामिनकी कर्ज ३५ लाखापर्यंत दिले जाते. सभासदांच्या आकस्मिक मृत्यूनंतर त्यांच्या वारसदारांना ३० लाखांची मदत केली जाते. सतत ऑडिट वर्ग ‘अ’ असणारी राज्यात आदर्शवत काम करणारी पतसंस्था आहे.
यावेळी राज्य शिक्षक संघाचे राज्य संपर्क प्रमुख मंगेश मेहेर, खंडेराव ढोबळे, रमाकांत कवडे, उपेंद्र डुंबरे, रवींद्र वाजगे, वैभव सदाकाळ, विश्‍वनाथ नलावडे, प्रभाकर दिघे, शुभदा गाढवे आदी उपस्थित होते.