पावसामुळे जुन्नरच्या आठवडे बाजारात शुकशुकाट

जुन्नर, ता.२८ : जुन्नर परिसरात शनिवारी (ता.२७) सांयकाळी जोरदार पावसास सुरवात झाली. रात्रभर पाऊस कोसळत होता. या पावसामुळे जुन्नरच्या (ता.२८) रविवारच्या आठवडे बाजारावर परिणाम झाला.
जुन्नर येथील पर्जन्यमापन केंद्रावर ६० मिलिमीटर पावसाची नोंद झाली आहे. पश्चिम आदिवासी भागात देखील पावसाचा जोर अधिक होता. आदिवासी भागातील मंडल विभागात मढ : ११३, आपटाळे : ४७, राजूर : १८० मिमी पावसाची नोंद झाली आहे. पावसामुळे किरकोळ विक्रेत्यांसह ग्राहकांनी बाजाराकडे पाठ फिरवली तर भाजी बाजारात ग्राहकांची वानवा दिसत होती. तर पावसामुळे सार्वजनिक नवरात्र उत्सवाचे खुल्या जागेत होणारे कार्यक्रम आयोजकांना रद्द करावे लागले. तालुक्याच्या पश्चिम भागात पावसाचा जोर अधिक होता मध्यभागात मध्यम स्वरूपाचा तर पूर्व भागात कमी प्रमाणात होता. जुन्नर तालुक्यातील नऊ महसूल मंडलात २४ तासांत एकूण ७२३ मिलिमीटर तर सरासरी ८०.३ मिलिमीटर पावसाची नोंद झाली आहे. मंडल निहाय झालेला पाऊस पुढीलप्रमाणे (आकडे मिमीमध्ये); जुन्नर : ६०, नारायणगाव : ६६, ओतूर : ४६, वडगाव आनंद : ४१, बेल्हे : ४८, निमगावसावा : २२, मढ : ११३, आपटाळे : १४७, राजूर : १८०.