श्री शिव छत्रपती महाविद्यालयाचा मुला-मुलींचा हँडबॉल संघ विजयी

जुन्नर, ता. २० : जिल्हास्तरीय हँडबॉल स्पर्धेत येथील श्री शिव छत्रपती महाविद्यालयाच्या १९ वर्षांखालील मुला व मुलींच्या संघाने अंतिम सामन्यात विजय मिळविला. या विजयामुळे दोनही संघ विभागीय स्पर्धेसाठी पात्र ठरले आहेत.
महाविद्यालयाच्या १९ वर्षांखालील वयोगटातील मुलांच्या संघाने अंतिम सामन्यात डॉ. कदम गुरुकुल संघाला १९-०४ अशा मोठ्या फरकाने पराभूत करत एकतर्फी विजय मिळविला. या विजयात उदय शिंदे, सोहम केदारी, सोहम सरजिने, दीपक उतळे, नयन मस्करे, निरंजन शिंदे, जय परदेशी, शुभम पारधी, श्रीनिवास राठोड आदी खेळाडूंचा मोलाचा वाटा आहे. या गटासाठी स्व.प्रा.पी.बी कबाडी यांच्या स्मरणार्थ दिला जाणारा फिरता चषक याही वर्षी कायम राखण्यात यश मिळविले आहे.
महाविद्यालयाच्या १९ वर्षांखालील मुलींच्या संघाने राजगुरुनगरच्या हुतात्मा राजगुरू महाविद्यालयाच्या संघास अंतिम सामन्यात १४-२ अशा मोठ्या फरकाने पराभूत केले. संघातील जयश्री कोकणे, आरती परदेशी, टीना बोऱ्हाडे, रोशनी जाधव, निहारिका काळे, आकांक्षा काशीद, सुवर्णा घुटे, सोनल पारधी, धनश्री डोके, साक्षी पांडे, पायल नवले आदी खेळाडूंचा विजयात मोठा वाटा आहे.
संघातील सर्व खेळाडूंचे व जिमखाना विभागाचे संस्थेचे अध्यक्ष ॲड. संजय काळे केले. अध्यक्ष प्रतिनिधी प्रा. व्ही. बी. कुलकर्णी, प्राचार्य डॉ. एम. बी. वाघमारे आदींनी अभिनंदन केले आहे.