खळदमध्ये महिालंकडून औक्षण

खळद, ता.२१ : खळद(ता.पुरंदर)येथे भाद्रपद बैलपोळा मोठ्या उत्साहामध्ये साजरा करण्यात आला. यावेळी बैलांना वेगवेगळ्या आभूषणांनी सजवत त्यांची सवाद्य ग्राम मिरवणूक काढण्यात आली. यावेळी सर्वांनी मिरवणुकीमध्ये सहभाग घेतला मिरवणूक मार्गावर अनेक महिलांनी बैलांचे औक्षण करीत त्यांना पुरणपोळीचा नैवेद्य देत त्यांची पाद्य पूजा केली.
बैलांच्या शिंगाला हिंगूळ लावून त्यावरती बेगड पट्ट्या चिकटवून आकर्षक सजावट करण्यात आली तर गळ्यामध्ये गुंगरांच्या माळा, हार,शिंगुळ्या,पायामध्ये तोडे,अंगावरती झुल,सर्व नवीन व्यसन,,दोरी घालून बैलांची उत्साहामध्ये मिरवणूक पार पडली.
सध्या शेतीच्या कामासाठी बैलांची संख्या दिवसेंदिवस कमी होत चालली आहे मात्र या भागामध्ये श्री क्षेत्र शिखर शिंगणापूर येथे संत तेल्या भुत्याची कावड पायी वारीने नेण्याची परंपरा असल्याने यावेळी मोठ्या प्रमाणावर भाविक बैलगाडीने जातात यामुळे अनेक शेतकऱ्यांच्याकडे बैलजोडी आहे. यामुळे या सणानिमित्ताने अनेक लक्षवेधी मिरवणुका पाहावयास मिळाल्या.