खळदच्या सरपंचपदी रोहिणी कामथे

खळद, ता. २७ : खळद (ता. पुरंदर) ग्रामपंचायतीच्या सरपंचपदी रोहिणी कामथे यांची बिनविरोध निवड झाली. संदीप यादव यांनी पदाचा राजीनामा दिल्याने रिक्त पदासाठी निवडणूक प्रक्रिया पार पडली. यावेळी कामथे यांचा एकमेव अर्ज प्राप्त झाल्याने त्यांची बिनविरोध निवड जाहीर करण्यात आली. यावेळी निवडणूक निर्णय अधिकारी म्हणून कुंभारवळण विभागाचे मंडल अधिकारी दुर्गादास शेळकंदे यांनी काम पाहिले. तर, ग्रामसेवक महेंद्र लोणकर, तलाठी सतीश उमाप यांनी सहाय्यक निवडणूक निर्णय अधिकारी म्हणून काम पाहिले. शिवाजी कामथे, कैलास खळदकर यांनी सहकार्य केले. या वेळी उपसरपंच आशा रासकर, सदस्य नम्रता कादबाने, छाया कामथे आदी उपस्थित होते. निवडीनंतर महादेव मंदिरामध्ये ग्रामस्थांच्या वतीने नवनिर्वाचित सरपंच कामथे यांचा सन्मान करण्यात आला. शिवसेनेचे जिल्हाप्रमुख दिलीप यादव, सोमेश्वर कारखान्याचे माजी उपाध्यक्ष बाळासाहेब कामथे, शिवसेनेचे तालुका प्रमुख हरिभाऊ लोळे, नियोजन मंडळाचे माजी सदस्य रमेश इंगळे, अमोल कामठे, साहेबराव भिंताडे, मोहन चिकणे, तुषार झुरंगे, पोपट खेंगरे आदींनी त्यांना शुभेच्छा दिल्या.