राजगुरुनगर-मुंबई एसटी सुरू करा

राजगुरुनगर-मुंबई एसटी सुरू करा

कडूस, ता. ६ : खेड तालुक्याच्या पश्चिम पट्ट्यातील विद्यार्थी व कामगारांनी राजगुरुनगर-मुंबई एसटी सेवा पुन्हा पूर्ववत सुरू करण्याची मागणी जिल्ह्याचे पालकमंत्री अजित पवार यांच्याकडे केली आहे.

राजगुरुनगर आगारातून सकाळी साडे नऊ वाजता मुंबईकडे जाणारी एसटी सेवा तालुक्यातील प्रवाशांसाठी सोयीची होती. परंतु गेल्या पंचेचाळीस वर्षांपासून सुरू असलेली ही एसटीची सेवा गेल्या काही दिवसांपासून बंद केली आहे. त्यामुळे राजगुरूनगरहून मुंबईला जाणाऱ्या प्रवाशांची मोठी गैरसोय होत आहे. इतर आगारातून येणाऱ्या एसटीमध्ये राजगुरुनगरच्या थांब्यावरील प्रवाशांना बसण्यासाठी जागा मिळत नाही. पाच ते सहा तासांचा प्रवास उभे राहून करावा लागत आहे. यामुळे मुंबईला जाणाऱ्या तालुक्यातील अनेक ज्येष्ठ नागरिक, अपंग व महिला प्रवाशांना अनेक प्रकारच्या समस्यांना सामोरे जावे लागत आहे. या प्रवाशांची शारिरिक व मानसिक हेळसांड होत आहे. प्रवाशांचा हा त्रास दूर करण्यासाठी राजगुरुनगर आगारातून दररोज सकाळी साडेनऊ वाजता मुंबईकडे सुटणारी एसटी बस सेवा पुन्हा सुरू करण्याची गरज आहे.

याबाबत आगार प्रमुखांकडे प्रवाशांनी अनेकदा मागणी केली. परंतु याकडे दुर्लक्ष करण्यात येत असल्याने अखेर प्रवाशांनी जिल्ह्याचे पालकमंत्री अजित पवार यांचे दार ठोठावले आहे. निवेदनाद्वारे ही एसटी बस सेवा पूर्ववत सुरू करावी अशी मागणी प्रवाशांनी केली आहे. याबाबत वेताळ गावचे रहिवासी शांताराम बोंबले पाठपुरावा करीत आहेत. त्याच सोबत सकाळी साबुर्डीहून राजगुरुनगरला सुटणारी एसटी बस सेवा पूर्ववत सुरू करावी अशी मागणी वेताळ, सायगाव, साबुर्डी, कडूस, दोंदे येथील महाविद्यालयीन विद्यार्थी व विद्यार्थ्यांनी, ज्येष्ठ नागरिक व चाकरमानी प्रवाशांनी केली आहे. ही बस सेवा बंद केल्याने महाविद्यालयीन विद्यार्थ्यांचे शैक्षणिक नुकसान होत आहे.

ब्रेक घ्या, डोकं चालवा, कोडे सोडवा!

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Marathi News Esakal
www.esakal.com