कडूस, ता.२२ : खेड तालुक्याच्या पश्चिम पट्ट्यात भाताची उशिरा लागवड होत आहे. यामुळे उत्पादनात घट होणार असल्याची शक्यता शेतकरी व्यक्त करीत आहेत. सध्या भात उत्पादक भात लावणीत व्यग्र आहेत.
खेड तालुक्याच्या मैदानी भागात बहुतेक शेतकऱ्यांकडून पारंपरिक पद्धतीने भाताची लागवड केली जाते. मे महिन्याच्या पहिल्या आठवड्यात सुरू झालेल्या पावसाने आत्ता विश्रांती घेतली आहे. यंदा लवकर सुरू झालेल्या पावसामुळे शेतकऱ्यांचे शेतीच्या कामाचे व्यवस्थापन पूर्णपणे कोलमडून गेले. पावसामुळे तालुक्याच्या पश्चिम पट्ट्यातील शेतीची कामे ठप्प झालेली होती. पेरणीपूर्व मशागतीची कामे करण्यात शेतकऱ्यांना अवधीच मिळाला नाही. यामुळे खरीप हंगामातील पिकांच्या पेरणी सोबत भात लागवड खोळंबली होती. परंतु सध्या पावसाने उघडीप दिली आहे. शेतात वापसा निर्माण झाला आहे. परिसरात शेतीच्या कामांनी वेग घेतला आहे. तालुक्याच्या पश्चिम पट्ट्यातील मैदानी भागात सध्या भाताची लागवड वेगाने सुरू झाली आहे. मैदानी भागातील शेतकरी दरवर्षी कृत्रिम पद्धतीने शेतात पाणी सोडून भाताची लागवड करीत असतात. यंदा पावसाचे प्रमाण जास्त असले तरी मैदानी भागात शेतात वापसा निर्माण झाला आहे, यामुळे यंदा सुद्धा कृत्रिम पद्धतीने शेतात पाणी सोडून भात लागवड केली जात आहे. भाताची उशिरा लागवड होत असल्याने उत्पन्नाबाबत मात्र शेतकरी साशंक आहे.
उशिरा लागवड होत असल्याने भाताच्या उत्पन्नात घट होण्याचा अंदाज शेतकरी व्यक्त करीत आहेत. शेत पडीक राहण्यापेक्षा वर्षभरात घरात वापरण्याऐवढ्या भाताची सोय झाली तरी समाधान मानावे लागेल.
- बाळासाहेब बोंबले, भात उत्पादक शेतकरी
01840
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.