ज्ञानेश्वर राऊत यांची तालुकाध्यक्षपदी नियुक्ती

कडूस, ता. ११ : राजगुरुनगर (ता. खेड) येथील ज्ञानेश्वर गेणभाऊ राऊत यांची बारा बलुतेदार महासंघाच्या खेड तालुकाध्यक्षपदी नियुक्ती करण्यात आली. प्रदेशाध्यक्ष तथा महाराष्ट्र प्रदेश काँग्रेस कमिटीचे उपाध्यक्ष कल्याण दळे आणि पुणे जिल्हाध्यक्ष सोमनाथ शेळके यांच्या हस्ते नाशिक येथील एका कार्यक्रमात राऊत यांना नियुक्तीपत्र देण्यात आले. यावेळी आळंदी येथील नाभिक समाज धर्मशाळेचे उपाध्यक्ष शंकरराव रायकर, किसन भालेराव, शंकरराव गायकवाड, सुभाष भालेकर, शरद चोपडे, प्रकाश राऊत, खेड तालुका नाभिक संघटनेचे सचिव उमेशराव राऊत, सहसचिव आप्पासाहेब खंडागळे ,कार्याध्यक्ष चंद्रकांत भालेकर व समाज बांधव उपस्थित होते.

01941