चांडोलीत ४०४ जणांची तपासणी

कडूस, ता. २३ : चांडोली (ता. खेड) येथील ग्रामीण रुग्णालयात ‘स्वस्थ नारी, सशक्त परिवार’ अभियानाचा प्रारंभ आमदार बाबाजी काळे यांच्या हस्ते करण्यात आला. या अभियानांतर्गत महिलांची आरोग्य तपासणी, उपचार व पोषण आहाराबाबत मार्गदर्शनासाठी मोहीम राबविण्यात येत आहे. पहिल्याच दिवशी ४०४ लाभार्थ्यांनी अभियानाचा लाभ घेतला.
रुग्णालयाच्या वतीने वैद्यकीय अधीक्षक डॉ. तेजश्री रानडे यांच्या नेतृत्वाखाली शुक्रवार (ता.१९), शुक्रवार (ता. २६) व मंगळवार (ता. ३०) असे तीन दिवस अभियान राबविण्यात येत आहे. या अभियानांतर्गत महिलांची रक्तदाब, मधुमेह, नेत्रतपासणी, दंतरोग तपासणी, क्षयरोग तपासणी, रक्तक्षय, हृदयविकार, कर्करोग, गर्भाशयाच्या आजारांसह विविध तपासणी करण्यात येत आहे. यासाठी डॉ. पूनम चिखलीकर, डॉ. केदार जगताप, डॉ. मालवीया, डॉ. स्वप्नील लेमले, दिलीप करवंटे, अल्ताफ पठाण, अप्पासाहेब खंडागळे, मुख्तार शेख, योगेश बोराडकर, आरोग्य केंद्रातील कर्मचारी, डी. वाय. मेडिकल कॉलेज, आयुर्वेदिक मेडिकल कॉलेजचे पथक परिश्रम घेत आहे. यावेळी शिवसेना उद्धव बाळासाहेब ठाकरे पक्षाच्या जिल्हा महिला संघटिका विजया शिंदे, जिल्हा ग्राहक संरक्षण कक्ष तालुकाध्यक्ष बाळासाहेब ताये, सरपंच प्रियांका पवळे, संतोष राक्षे, राहुल मलघे, संतोष पानसरे, सतीश मलघे, रामदास सावंत आदी उपस्थित होते. कैलास मुसळे यांनी सूत्रसंचालन केले. डॉ. स्वप्नील लेमले यांनी आभार मानले.