दोंदे सोसायटीच्या अध्यक्षपदी शितोळे

कडूस, ता. २७ ः दोंदे (ता. खेड) विविध कार्यकारी सेवा सहकारी सोसायटीच्या अध्यक्षपदी दत्तात्रेय शितोळे यांची तर उपाध्यक्षपदी धोंडिबा भालसिंगे यांची बिनविरोध निवड झाली. प्रकाश सुकाळे व शंकर उढाणे यांनी ठरल्याप्रमाणे राजीनामा दिल्याने रिक्त पदांसाठी राजगुरूनगर येथील कृषी उत्पन्न बाजार समितीच्या सभागृहात मंगळवारी (ता. २३) निवडणूक प्रक्रिया पार पडली. यावेळी दत्तात्रेय शितोळे व धोंडिबा भालसिंगे यांचे एकमेव अर्ज आल्याने त्यांची बिनविरोध निवड झाल्याचे निवडणूक निर्णय अधिकारी एस. एम. बगाटे यांनी घोषित केले. बाळासाहेब बारणे यांनी सहायक म्हणून काम पाहिले. यावेळी माजी अध्यक्ष ज्ञानेश्वर काळे, महादू बनकर, श्यामराव जाधव, ज्ञानेश्वर कदम, कविता सुकाळे, संचालक दत्तात्रेय शितोळे, जितेंद्र कोहिनकर, धोंडिबा भलशिंगे, संध्या बारणे, आनंदराव मेहेत्रे, हिरामण सातकर, विनायक घुमटकर, हनुमंतराव कदम, चंद्रकांत बारणे, सिद्धार्थ कोहिनकर आदी उपस्थित होते.