कानगावात पुस्तक वाचनास प्रतिसाद

कानगाव, ता. ११ : येथील प्राथमिक शाळेने ‘शांतता.... पुणेकर वाचत आहेत’ या उपक्रमात सहभाग घेतला. याप्रसंगी शाळेतील पहिली ते चौथीच्या विद्यार्थ्यांनी मंगळवारी (ता. ९) सकाळी ११ ते १२ या वेळेत वेगवेगळ्या पुस्तकांचे वाचन केले.
यात गोष्टींची पुस्तके, कथासंग्रह, काव्यसंग्रह, महापुरुषांवरील पुस्तकांचा समावेश होता. शिक्षकांनीही त्यांच्या आवडीच्या पुस्तकांचे वाचन केले. मुख्याध्यापक संजय गवळी यांच्या मार्गदर्शनाखाली हा उपक्रम राबवण्यात आला. यावेळी सखाराम खोमणे, राजेंद्र जगताप, श्याम ठाणेदार, एकनाथ हराळ, प्रकाश लकडे, मीना दिवेकर, संध्या कुंभार आदी उपस्थित होते.