निमगाव केतकी- बिजवडी रस्त्यावर अपघाताचा धोका

निमगाव केतकी, ता. १२ : निमगाव केतकी- बिजवडी (ता. इंदापूर) या रस्त्याच्या दोन्ही बाजूला मोठ्या प्रमाणात झाडे-झुडपे वाढलेली आहेत.
सध्या कारखाने सुरू झाल्याने ऊस वाहतूक करणाऱ्या ट्रॅक्टरची संख्या वाढली आहे. त्यामुळे अपघाताचा धोका वाढला आहे. या मार्गावरील झाडे-झुडपे त्वरित काढावीत, अशी मागणी नागरिक व वाहनचालक करीत आहेत. निमगाव केतकी येथून इंदापूर- पुणे या महामार्गाला जोडणारा हा रस्ता असून, या रस्त्यावर सतत वाहतूक असते. या मार्गावर अनेक ठिकाणी दोन्ही बाजूला झाडे- झुडपे वाढल्यामुळे अपघाताचा धोका वाढला आहे. या मार्गावर सतत किरकोळ अपघात घडत असतात.

03056