कोळवणमधील शिबिरात १०५ जणांची तपासणी

कोळवण, ता. २८ ः कोळवण (ता. मुळशी) येथील आरोग्य केंद्रात बुधवारी (ता. २६) शासनाच्या स्वस्थ नारी सशक्त परिवार अभियानांतर्गत १०५ रुग्णांची आरोग्य तपासणी करण्यात आली. या उपक्रमांतर्गत गरोदर माता तपासणी, हिमोग्लोबिन, रक्तदाब, मधुमेह यांसह विविध तपासणी करण्यात आल्या. या उपक्रमाचे उद्‍घाटन सरपंच धनश्री पालकर, सरपंच प्रिया साठे, पंकज धिडे, नामदेव टेमघरे यांनी केले, तर तालुका आरोग्य अधिकारी डॉ. वामन गेंगजे यांच्या मार्गदर्शनाखाली वैद्यकीय अधिकारी डॉ. विक्रम खराडे, समुदाय आरोग्य अधिकारी रजीना सय्यद, सुनीता चवरे, वंदना काचेकर, समीर काळे, सुनीता कार्ले, परिसरातील सर्व आशा सेविका व महिला मोठ्या संख्येने उपस्थित होत्या.