रस्त्याच्या वादातून करंदीत एकाला मारहाण

शिक्रापूर, ता. ११ ः करंदी (ता. शिरूर) येथे शेतात जाण्यासाठी रस्ता देण्याच्या कारणावरून झालेल्या वादातून टोळक्याकडून एका इसमाला मारहाण करत जीवे मारण्याची धमकी देण्यात आली. याप्रकरणी शिक्रापूर पोलिस ठाण्यात नऊ जणांवर गुन्हा दाखल करण्यात आला आहे.
याबाबत शिक्रापूर पोलिसांनी दिलेल्या माहितीनुसार करंदी येथे गोपी ढवळे यांची जमीन असून, ढवळे यांच्या घरापासून पाठीमागे असलेल्या भास्कर ढवळे व अन्य व्यक्तींना घरापासून मागे जाण्यासाठी रस्ता हवा असल्याने त्यांच्यात वाद सुरू होता. याच रस्त्याच्या वादातून भास्कर ढवळे इतर लोकांनी बेकायदा गर्दी जमवून गोपी ढवळे यांना हाताने व लाथाबुक्क्यांनी मारहाण करत त्यांना जीवे मारण्याची धमकी दिली. याप्रकरणी गोपी तुकाराम ढवळे (वय २७, रा. करंदी, ता. शिरूर, जि. पुणे) यांनी शिक्रापूर पोलिस ठाण्यात फिर्याद दिली आहे. पोलिसांनी भास्कर शंकर ढवळे (रा. चाकण, ता. खेड), निखिल विठ्ठल ढवळे, शुभम विठ्ठल ढवळे, शशिकला विठ्ठल ढवळे, अनिता निखिल ढवळे, निशा शुभम ढवळे, ताई हरी कदम, हरी कदम, राणी गंगणे (सर्व रा. सहकारनगर, पद्मावती, पुणे) यांच्या विरुद्ध गुन्हा दाखल केला आहे. पुढील तपास शिक्रापूर पोलिस करीत आहेत.