उसने पैसे परत मागितल्याने निघोजेत तरुणाला मारहाण

कुरुळी, ता. १५ : उसने दिलेले पैसे परत मागितल्यामुळे निघोजे (ता. खेड) येथे गावच्या हद्दीत दोघांनी एका तरुणाला फरशी, दगड आणि लाथाबुक्क्यांनी मारहाण करून गंभीर जखमी केले. या प्रकरणी दोघांना महाळुंगे इंगळे एमआयडीसी पोलिसांनी अटक केली आहे.
योगेश बळिराम चव्हाण (वय २३, रा. निघोजे, ता. खेड) असे अटक करण्यात आलेल्याचे नाव असून त्यांनीच फिर्याद दिली आहे. तर करण रमाकांत साकेत (वय २०), शुभम संजय चव्हाण (वय १९, दोघे रा. डोंगरवस्ती, निघोजे) असे अटक करण्यात आलेल्यांचे नाव आहे.पोलिसांनी दिलेल्या माहितीनुसार, फिर्यादी घरी असताना आरोपीने त्यांना फोन केला. त्यावेळी योगेश यांनी आरोपींना दिलेले उसने पैसे परत मागितले. या कारणावरून शुभमने फरशीने त्यांच्या डोक्यात मारली.तसेच ‘तू सतत आम्हा दोघांना पैसे का मागतो’ असे म्हणून ‘तुला आज आम्ही जिवंत ठेवत नाही, मारून टाकतो’ अशी धमकी दिली. त्यानंतर करणने तेथे पडलेला दगड फिर्यादीच्या दोन्ही गुडघ्यांवर आणि खांद्यावर मारून त्यांना गंभीर जखमी केल्याचे फिर्यादीत नमूद केले आहे. पुढील तपास पोलिस करीत आहेत.