आजार टाळण्यासाठी सांडपाण्याचे व्यवस्थापन महत्त्वाचे : सावरकर
काटेवाडी, ता. २० ः ‘‘पावसाळ्यात डासांची उत्पत्ती वाढते, त्यामुळे स्वच्छता राखणे आणि डासांच्या उत्पत्तीवर नियंत्रण ठेवणे अत्यंत आवश्यक आहे. डासांच्या प्रादुर्भावामुळे होणाऱ्या आजारांचा धोका कमी करण्यासाठी नियमित स्वच्छता आणि सांडपाण्याचे व्यवस्थापन करावे,’’ असे आवाहन तालुका आरोग्य पर्यवेक्षिका सुप्रिया सावरकर यांनी केले.
तांदूळवाडी (ता. बारामती) येथील ज्येष्ठ नागरिक निवासात जागतिक डास दिनानिमित्त किटकजन्य आजारांबाबत बुधवारी (ता. २०) जनजागृती कार्यक्रम आयोजित करण्यात आला. यावेळी सावरकर बोलत होत्या. जिल्हा हिवताप कार्यालय आणि आरोग्य विभाग, पंचायत समिती बारामती यांच्या संयुक्त विद्यमाने आयोजित या कार्यक्रमात ज्येष्ठ नागरिकांना पावसाळ्यात उद्भवणाऱ्या किटकजन्य आजारांबाबत सविस्तर माहिती देण्यात आली. तालुका पर्यवेक्षक सावरकर आणि संदीप बालगुडे यांनी हिवताप, डेंगी, चिकनगुनिया यांसारख्या आजारांची लक्षणे आणि प्रतिबंधक उपाययोजनांबाबत मार्गदर्शन केले.
जिल्हा हिवताप कार्यालय आणि आरोग्य विभागाने संयुक्तपणे आयोजित केलेल्या या उपक्रमात डासांमुळे होणाऱ्या आजारांचा प्रसार रोखण्यासाठी जनजागृतीवर लक्ष केंद्रित करण्यात आले. यावेळी हिंमत कौले, बाजीराव कांबळे यांनीही मार्गदर्शन केले.
यावेळी या कार्यक्रमात ज्येष्ठ नागरिकांना हिवताप, डेंगी आणि चिकनगुनिया यांसारख्या आजारांची लक्षणे ओळखण्यासाठी आणि त्यांच्यापासून बचावासाठी काय काळजी घ्यावी याबाबतही माहिती देण्यात आली.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.