काटेवाडीत उपमुख्यमंत्र्यांकडून बैलपोळा साजरा
काटेवाडी, ता. २१ : भाद्रपद महिन्यात साजरा होणारा बैलपोळा हा सण इंदापूर आणि बारामती तालुक्यांतील शेतकरी बांधवांसाठी विशेष महत्त्वाचा आहे. या निमित्ताने काटेवाडी (ता. बारामती) येथे रविवारी (ता. २१) उपमुख्यमंत्री अजित पवार यांनी आपल्या कुटुंबासह पारंपरिक पद्धतीने बैलपोळा सण उत्साहात साजरा केला. यावेळी त्यांनी शेतकऱ्यांचा खरा सोबती असलेल्या बैलांप्रती कृतज्ञता व्यक्त करत त्यांचा सन्मान केला.
काटेवाडी येथील पवार कुटुंबाच्या घरी आयोजित या सोहळ्यास उपमुख्यमंत्री अजित पवार यांच्यासह, खासदार सुनेत्रा पवार, मातोश्री आशाकाकी पवार यांच्यासह कुटुंबीय उपस्थित होते. सुनेत्रा पवार यांनी राजबिंड्या खिल्लार बैलांची विधिवत पूजा केली आणि त्यांना औक्षण केले. यावेळी बैलांची लग्न लावण्याची परंपराही पार पाडण्यात आली. या कार्यक्रमाला स्थानिक शेतकरी आणि ग्रामस्थांनीही हजेरी लावली होती. उपमुख्यमंत्र्यांचा सहभाग आणि त्यांनी बैलांप्रती दाखवलेली कृतज्ञता यामुळे हा सण अधिकच संस्मरणीय ठरला, असे यावेळी उपस्थितांनी सांगितले.
01445
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.