मिरवणुकीद्वारे शैक्षणिक कार्याचा गौरव

काटेवाडी, ता. २८ : लासुर्णे (ता. इंदापूर) येथील निळकंठेश्वर विद्यालयाच्या वतीने कर्मवीर भाऊराव पाटील यांच्या प्रतिमेचे पूजन करून मिरवणूक काढण्यात आली. मिरवणुकीत विद्यार्थ्यांनी कर्मवीर भाऊराव पाटील आणि लक्ष्मीबाई पाटील यांच्या वेशभूषा केल्या होत्या. तसेच भारतीय स्वातंत्र्यलढ्यातील क्रांतिकारकांच्या वेषभूषांनी मिरवणुकीला अनोखे वैशिष्ट्य प्राप्त झाले. या कार्यक्रमाला स्कूल कमिटी सदस्य अमोल पाटील, राष्ट्रवादी काँग्रेस शरदचंद्र पवार पक्षाचे तालुकाध्यक्ष तेजसिंह पाटील, हर्षवर्धन लोंढे, सुनील आदलिंग, सचिन खरवडे, शाळेचे मुख्याध्यापक उमासे, सर्व शिक्षक, शिक्षकेतर कर्मचारी आणि विद्यार्थी मोठ्या संख्येने उपस्थित होते. मिरवणूक पाहण्यासाठी गावकऱ्यांनी आणि आजी-माजी विद्यार्थ्यांनी गर्दी केली होती. या मिरवणुकीने कर्मवीर भाऊराव पाटील यांच्या शैक्षणिक कार्याचा गौरव केला.