दौंडमध्ये बैलांना पुरणपोळ्यांचा नैवेद्य

खुटबाव, ता.१४ : दौंड तालुक्यामध्ये‌ बैलपोळा उत्साहात साजरा करण्यात आला. बैलांना पुरणपोळ्यांचा नैवेद्य दाखवण्यात आला‌. सुवासिनींनी बैलांना औक्षण केले. प्रत्येक गावातील मारुती मंदिरांना प्रदक्षिणा घालण्यात आली. बैलांना भीमा व मुळा मुठा नदीच्या पात्रामध्ये अंघोळ घालण्यात आली. रंगरंगोटी करण्यात आली.
अंगावरती झूल व शिगांना रंगवण्यात आले. शेंगांना गोंडे लावण्यात आले होते. अंगावरती रंगरंगोटी केल्यामुळे अनेक बैल आकर्षक दिसत होते.विशेष म्हणजे वर्षभर शेतकऱ्यांसाठी राबणाऱ्या बैलाकडून कोणतीही शेतीची कामे करून घेतली जात नाहीत.आदीत्य राहुल कुल, हरिभाऊ बोत्रे, गोपीनाथ शेलार,पिन्याभाऊ शेलार,बाळासो शेलार, नितीन शेलार यांनी बैलांची मिरवणूक काढली. यासंदर्भात पारगाव येथील माऊली ताकवणे म्हणाले की, बैलपोळा हा आमचा सर्वात मोठा सण आहे. यानिमित्त ‘‍इडा पीडा जाऊ दे, बळीच राज्य येऊ दे’
अशी पेक्षा आम्ही व्यक्त केली.
02922