प्रतिएकर एक लाखाचे कर्ज देण्याची मागणी

खुटबाव, ता. २४ : खामगाव (ता. दौंड) येथे खामगाव सोसायटीची ११० वी वार्षिक सर्वसाधारण सभा खेळीमेळीच्या वातावरणात संपन्न झाली. सभेचे अध्यक्षस्थानी संस्थेचे अध्यक्ष अविनाश जगताप होते. यावेळी सभासद रघुनाथ नागवडे यांनी जिल्हा बँकेने शून्य टक्केवारी व्याजदराने प्रति एकर ६६ हजार रुपये कर्ज दिले जाते. त्याऐवजी कर्ज मर्यादा एक लाख रुपये करावी, अशी मागणी केली. सदर मागणी जिल्हा बँकेपर्यंत पोहोचवू असे आश्वासन संचालक मंडळाने दिले.
सभेला खरेदी विक्री संघाचे संचालक विजय नागवडे, संस्थेच्या उपाध्यक्षा कामिनी काळूराम नागवडे, सचिव सोमनाथ नागवडे, संचालक सुनील नागवडे, कपिल नागवडे, अमोल पिंगळे, रविकांत नागवडे, जयसिंग जगताप, हनुमंत नागवडे, राजेंद्र टिळेकर, शंकर नागवडे, दिलीप नेटके, सुरेखा टिळेकर, संजय भालसिंग, संतोष शेळके आदी मान्यवर उपस्थित होते.