खोरमधील शिबिरात १०८० जणांची तपासणी

खुटबाव, ता. २६ : खोर (ता. दौंड) येथील भैरवनाथ विद्यालयात सशस्त्र सेना चिकित्सा महाविद्यालय पुणे, प्राथमिक आरोग्य केंद्र केडगाव व खोर ग्रामपंचायतीच्या वतीने आयोजित आरोग्य शिबिरात १०८० रुग्णांची मोफत तपासणी करण्यात आली. या शिबिरात विविध तपासण्या करण्यात आल्या. प्रमुख पाहुणे ब्रिगेडियर कुणाल चटर्जी म्हणाले की, ‘‘ग्रामीण भागातील ग्रामस्थांचा उस्फूर्त प्रतिसाद मिळाला. ज्यांना आवश्यक आहे त्यांना भविष्यामध्ये कमांड हॉस्पिटल पुणे येथे पुढील उपचार व शस्त्रक्रिया केल्या जातील.’’ शिबिराचे उद्‍घाटन सरपंच वैशाली अडसूळ यांनी केले. या शिबिराला मुख्य संयोजक ज्ञानेश्वर चौधरी, कर्नल हरप्रीत सिंह, लेफ्टनंट कर्नल कपिल पांड्या, गटविकास अधिकारी अरुण मरभळ, भाजपचे तानाजी दिवेकर, माजी जिल्हा परिषद सदस्य राणी शेळके, तालुका वैद्यकीय अधिकारी उज्ज्वला जाधव, प्राथमिक आरोग्य केंद्र अधिकारी नीलिमा लोखंडे, उपसरपंच विठ्ठल चौधरी, कल्याणी सोनवणे, वैभव धुरंडे आदी उपस्थित होते.