सादरीकरणातून गझलेचा प्रवास उलगडला

खुटबाव, ता.२३ : पुणे ग्रामीणबरोबरच संपूर्ण महाराष्ट्र कार्यक्षेत्र असणाऱ्या काव्यवाणी काव्य संस्थेचा तृतीय वर्धापन दिन आणि स्नेहमेळावा नुकताच पुण्यातील कोरेगाव पार्क येथील मौलाना अबुल कलाम आझाद सभागृहात संपन्न झाला. साहित्याचा जागर आणि सामाजिक कृतज्ञतेचा संगम असलेल्या या सोहळ्यात महाराष्ट्राच्या विविध भागांतून आलेल्या कवींनी आपल्या कवितांनी रसिकांची मने जिंकली.
कार्यक्रमाचे प्रमुख पाहुणे, सुप्रसिद्ध व्याख्याते प्राचार्य प्रदीप कदम यांनी मार्गदर्शन केले. पहिल्या सत्राचे अध्यक्ष म्हणून गझलकार इरफान शेख यांच्या गझल सादरीकरणातून गझलेचा प्रवास उलगडला.
यावेळी सिनेअभिनेत्री गौरी कुलकर्णी आणि पुणे विद्यापीठाच्या मराठी विभागाचे प्रमुख डॉ. संदीप सांगळे यांनी मराठी साहित्याची परंपरा अधिक समृद्ध करण्याची गरज त्यांनी यावेळी व्यक्त केली. विविध शाळांतून निवडलेल्या बाल कवींचे संमेलन पार पडले. सामाजिक बांधिलकी जपत संस्थेने यावेळी सामाजिक क्षेत्रात उल्लेखनीय कार्य करणाऱ्या दत्ता बारगजे (आनंदग्राम), श्याम कापरे (कर्तव्य फाउंडेशन), कविता माळी (प्रदेव फाउंडेशन यांचा गौरव केला.