श्री कुलस्वामी सोसायटीला १३ कोटीचा नफा अपेक्षित

मंचर, ता. ३ : श्री कुलस्वामी को-ऑप. क्रेडिट सोसायटीने सन २०२४-२५ या आर्थिक वर्षात एक हजार ६२ कोटी ८६ लाख रुपये ठेवी व एक हजार ९१५ कोटी ८० लाख रुपयांचा संमिश्र व्यवसायाचा टप्पा ओलांडला आहे. १३ कोटी ७ लाख ६८ हजार रुपयापेक्षा अधिक नफा होईल, अशी अपेक्षा आहे. सोसायटीची प्रगतीकडे घोडदौड सुरु आहे, अशी माहिती श्री कुलस्वामी को-ऑप. क्रेडिट सोसायटीचे अध्यक्ष शंकर पिंगळे व उपाध्यक्ष तथा जुन्नरचे आमदार शरद सोनवणे यांनी दिली.
मुंबई, पुणे जिल्ह्यासह राज्यात श्री कुलस्वामीच्या ३७ शाखा असून, नवी मुंबई कृषी उत्पन्न समितीच्या आवारात मुख्यालय आहे. ढोबळ एनपीएचे प्रमाण ४.५९ टक्के व निव्वळ एनपीएचे प्रमाण २.१९ टक्के आदर्श प्रमाणात राखण्यात यश मिळाले आहे. संस्थेने सीडी रेशो, नफा, थकबाकीचे प्रमाण व सीआरएआर प्रमाण निकषांप्रमाणे आहे. संचालक मंडळ, सभासद, ठेवीदार, कर्जदार, सल्लागार, ठेव संकलन प्रतिनिधी, पतसंस्थेचे अधिकारी व कर्मचारी यांचे सहकार्य लाभले. ३० एप्रिलपर्यंत सोसायटीने रघुनंदन ठेव व्याजदर ९.५० टक्के केला आहे.
कुलस्वामी को-ऑप. क्रेडिट सोसायटी स्थापना सन १९८४मध्ये झाली असून, सभासद संख्या एक लाख १७ हजार ९१४ आहे. सोसायटीला १३ कोटी ७ लाख ६८ हजार रुपये नफा झाला असून, कर्ज वाटप ८५२ कोटी ९३ लाख रुपये आहे.